داغلارین قاری وار

      دامارین قانی

داغلاردا قار دونوب

       دامارلاریمدا قان.

دئییردیلر سئوگیلی

             سئوگیسینه هر نئدن گئچر!

دوزه ر!

 سوسار!

           یاشار

آما...

بیلمیردیم کی

      سئوگیلی وار تا ...

دئییردیلر موقدس بیر یئردیر

موقدس داغی

             داشی

               توپراغی

گورمک آرزیلاییردیم

   اورانی سئونلری سئویردیم

                   بیلمم نئدن؟

بیلمم بو سئودا نئجه قاتیلدی قانیما

          نئجه سوکدو اوره ییمی؟

بیلمه دیم؟

 بیله نمه دیم؟

 گوزلری منی آلدی

اوره ییمی آتدیملادی دئییه سن!

 من اونو سئودیم

اودا منی

سئویندیک بیر قجه له کیمی

اوزدوک بالیق کیمی

       داغینی

               داشینی

   سئودیکده

          سئویندیکده

موقدس بیر قالادا

 موقدس بیر داغدا

قالادا.